Случајорт „Рекет“ денеска стигна и во италијанските медиуми. Видео – снимка на која се гледа како Бојан Јовановски и Зоран Милески добиваат еден милион евра од бизнисменот Орце Камчев се појави во весникот „Ла Верита“. На снимките се слуша како Боки 13 му ветува на Камчев дека ќе биде пуштен на слобода во случајот „Империја“, при што напоменува и оти специјалната обвинителка Катица Јанева ќе помогне во тоа.
Снимките од 20 февруари годинава, обезбедни од три видео – камери во домот на бизнисменот предизвика лавина реакции во земјава. Од Основното јавно обвинителство тврдат дека снимките не протекле од кај нив. Од СЈО тврдат дека сега е јасно оти тие немале врска со случајот „Рекет“.
Правната фела бара Јанева веднаш да биде однесена на распит. Таа, пак, ужива на одмор во Грција и не сака да комуницира со новинарите.
ВМРО-ДПМНЕ побара оставка на целата влада, додека СДСМ апелира на брза истрага и оцени оти снимките биле однапред подготвени.
Авторот на текстот во „Ла Верита“, Ларис Гејзер рече дека следните денови ќе објави нови шокантни снимки со кој ќе ја докаже поврзаноста на Европската унија со СЈО, формирано да му помогне на Зоран Заев да дојде на власт, а потоа служело само за рекет.
Гејзер, кој е роден во Словенија, се поврзува со Паневропската унија, во која членувал и поранешниот македонски претседател, Ѓорѓе Иванов.
„Ла Верита“ е основан во 2016 година и има дневен тираж од 70.000 примероци.
