Нова европска помош за регионот е најавена од Самитот во Познањ Послка, кој е дел од Берлинскиот процес. Македонија ќе добие околу 40 милиони евра за три проекти.
„Ќе биде помогнат проектот за гасоводна интерконекција со Грција, изградбата на автопатот Скопје Блаце, како и заедничката железничка станица меѓу С. Македонија и Србија, на Табановце – проекти кои се дел од инфраструктурното поврзување на регионот„- изјави вицепремиерот за економски прашања“ – Кочо Анѓушев.
Како и шефот на дипломатикјата, Димитров и Анѓушев со порака дека Берлиснкиот процес не е и не може да биде замена за преговорите и членството во ЕУ, туку дека е само поттик за зголемување на регионалната соработка.
„Преку овој процес се стимулира соработката помеѓу земјите во регионот. Ние, во моментов повеќе соработуваме со ЕУ, отколку меѓу себе, а преку процесот ќе се придонесе да економскиот развој биде подинамичен и забрзан. Растот на БДП во Република Северна Македонија пред само 2 години беше негативен, односно -1,8%, имајќи ги предвид проблемите кои ги имавме во државата, а во првиот квартал на 2019 година растот на БДП достигна 4,1%. Имаме 624 милиони евра странски директни инвестиции во 2018 година, над 170% просекот од претходните 5 години и се околу 6,5 % од БДП. Овие бројки се постигнати и како резултат на подобрената соработка со земјите од регионот и со земјите членки на ЕУ“ – изјави Анѓушев.
Според него, по решавањето на долгогодишните проблеми порастот на трговската размена со дел од соседните земји се со двоцифрена бројка изразена во проценти, и тоа е нешто што не охрабрува да одиме по двата пата паралелно.
„Одиме кон членството во ЕУ, за тоа нема алтернатива, но секако мора да се зајакне и регионалната соработка“, порача Анѓушев.
ibna.mk
